Diasporla İş üzrə Dövlət Komitəsindən verilən məlumata görə, Oman Sultanlığının Muskat şəhərində “Şuşa - Şərqin mədəniyyət beşiyi” adlı musiqili gecə keçirilib.

Əvvəlcə Diasporla İş üzrə Dövlət Komitəsinin sədri Fuad Muradovun tədbir iştirakçılarına həm 28 May Müstəqillik Günü, həm də konsert münasibətilə ünvanladığı təbrik səs­ləndirilib.

Konsertdə Səidə Xəlilovanın həmtəsisçisi olduğu konservatoriya­nın müxtəlif xalqların nümayəndələ­rindən ibarət olan müəllim və şagird kollektivi ölkəmizin və dünyanın görkəmli bəstəkarlarının əsərlərini səsləndirib. Azərbaycanın xalq musiqiləri, hindli ifaçı­nın təqdimatında “Sarı Gəlin”, Arif Məliko­vun “Alegiya” baleti qonaqların zövqünü oxşayıb. Ölkəmizin zəngin mədəni irsi, turizm potensialı, incəsənəti və tarixi abi­dələri nümayiş etdirilən videoçarxlar bö­yük maraqla qarşılanıb. 

Tədbirdə Qarabağın tacı Şu­şaya həsr olunmuş tədbirin önə­mindən bəhs edilib. Qeyd olunub ki, 2023-cü ildə Doha şəhərində keçirilən İslam Dünyası Mədəniy­yət Nazirlərinin 12-ci Konfransında Azərbaycanın mədəniyyət paytaxtı Şuşa şəhəri 2024-cü il üçün “İslam dünyasının mədəniyyət paytaxtı” elan edilib. Şuşa ilə bağlı verilən bu qərar İslam aləminin həmrəy­liyinin bariz nümunəsi kimi dəyər­ləndirilib. 

Azərbaycan icmasının üzvləri, yerli ictimaiyyətin nümayəndələri və əcnəbi qonaqların iştirak etdik­ləri musiqili gecənin sonunda kon­servatoriyanın müəllim və şagird heyətinə sertifikatlar təqdim olunub. 

XQ