Zəngin Anadolu mədəniyyətinin təbliğ olunduğu günlər çərçivəsində keçirilən tədbirlərdə ölkəmizi İstanbul Universitetinin doktorantı, “TRT Türkü” radiosunda yayımlanan “Azərbaycan rüzgarı” proqramının müəllifi və aparıcısı Səidə Ömər təmsil edir.

Həmvətənimiz milli musiqi və rəqs­lərimiz haqqında iştirakçılara məlumat verərək bildirib ki, dünya musiqi xəzinə­sinin incisi olan Azərbaycan muğamları UNESCO-nun Bəşəriyyətin Qeyri-Mad­di Mədəni İrs üzrə Reprezentativ Si­yahısına daxil edilib, xalq və bəstəkar mahnılarımız da dünyanı dolaşmaqda, sevilməkdədir. 

Tədbirin dünyanın müxtəlif bölgələ­rində qeyd edilən “Analar Günü” ərəfə­sində keçirildiyinə diqqət çəkən Səidə Ömər Azərbaycan qadınının tarix boyu göstərdiyi cəsarəti və fədakarlığı sayə­sində tanınması ilə yanaşı, həm də zə­riflik nişanəsi olduğunu vurğulayıb. O, bunun Azərbaycan qadın rəqslərində ən gözəl şəkildə əks etdirildiyini deyib. Azərbaycan ədəbiyyatının müxtəlif nü­munələrindən epizodları səsləndirən sənətçi “Xalabacı” rəqsini ifa edib.

Türkiyənin məşhur incəsənət xa­dimlərinin iştirak etdikləri tədbirdə soy­daşımızın çıxışı dönə-dönə alqışlanıb. 

XQ