Dövlət Turizm Agentliyinin tabeliyində 3 turizm təhsili müəssisəsi - ali təhsil verən bir universitet, bir orta ixtisas təhsil müəssisəsi və bir turizm peşə məktəbi fəaliyyət göstərir. 2022-2023-cü tədris ilində ali və orta ixtisas məktəblərində turizm təhsili üzrə məzunların sayı 1548 nəfər olub.
Bu sözləri Dövlət Turizm Agentliyinin sədri Fuad Nağıyev Bakıda keçirilən QDİƏT-in turizm üzrə təhsil müəssisələrinin 1-ci görüşü zamanı deyib.
O bildirib ki, məzunların 718-i subbakalavr, 715-i bakalavr, 115-i isə magistr pilləsi üzrə turizm təhsillərini müvəffəqiyyətlə başa vurublar.
"Həmçinin peşə təhsili müəssisələri tərəfindən təqdim edilən ixtisaslarda 340 nəfər məzun adını qazanıb", - deyə Fuad Nağıyev əlavə edib.
