Heydər Əliyev Sarayında Azərbaycanın Xalq artisti, bəstəkar Faiq Sücəddinovun “Zəfər” yubiley yaradıcılıq konserti keçirilib. 

Möhtəşəm axşamda sarayın səh­nəsində operalardan parçalar, müəllifin “Zəfər” simfonik poeması, “Şuşa” oratori­yası, romans və mahnılar ifa olunub. Xalq artistləri Azər Zeynalov, Samir Cəfərov, beynəlxalq festival laureatı Mirələm Mirələmov və digər ulduzların ifaları sim­fonik orkestrin müşayiəti ilə səslənib. 

Əsərlərin hamısı böyük qələbəmizə, işğaldan azad olunan rayonlara həsr olu­nub. Sözləri şair Səlim Babullaoğluna aid olan, Samir Cəfərovun (solo) və xorun ifasında təqdim edilən “Zəfər” simfonik poeması ilk dəfə 2021-ci il noyabrın 8-də – Qələbə paradı günündə efirə verilmiş­dir. Heydər Əliyev Sarayında isə “Zəfər” də, digər musiqilər də yenidən yüksək peşəkar səviyyədə təqdim olunaraq, ürəkləri həyəcanla döyündürüb. Qara­bağın işğaldan azad olunmasına həsr olunan konsertin aparıcısı Xalq artisti Nurəddin Mehdixanlı idi. 

Faiq Sücəddinov yay aylarında “Ya­şıl Teatr”da daha bir möhtəşəm konsert layihəsi təqdim edəcəyini qeyd edib.

XQ