Respublikanın Əməkdar artisti Növrəstə Həşimova 50 ildir ki, Sumqayıt Dövlət Dram Teatrının aparıcı səhnə ustasıdır.
Növrəstə xanım kiçik yaşlarından dram və musiqi dərnəklərinə gedib, xalq teatrlarında maraqlı obrazlar yaradıb. Sonra o vaxtkı Azərbaycan Dövlət İncəsənət İnstitutunun dram-kino aktyorluğu fakültəsini bitirib. 1973-cü ildən Sumqayıt teatrında çalışır.
Yubiley tədbirində qeyd olunub ki, Sumqayıt teatrında işlədiyi dövrdə N.Həşimova milli dramaturqların əsərlərində yaratdığı obrazlarla yanaşı, əcnəbi müəlliflərin pyeslərinin tamaşalarında yaddaqalan obrazlar yaradıb. Onun qəhrəmanları öz təbiiliyi, xarakterik cizgiləri ilə seçilir. Növrəstə Həşimovanın musiqini və rəqsi bilməyi onun oyun tərzinə dinamika verir.
XQ
