Milli Azərbaycan Tarixi Muzeyində “Arşın mal alan” operettasının afişası qorunur.
Bu barədə muzeydən məlumat verilib.
Dahi bəstəkar Üzeyir Hacıbəylinin dördpərdəli “Arşın mal alan” operettası 1913-cü il oktyabrın 25-də məşhur xeyriyyəçi, böyük neft sahibkarı Hacı Zeynalabdin Tağıyevin Teatrında ilk dəfə tamaşaya qoyulub. Ü.Hacıbəyli dünya şöhrəti qazanmış “Arşın mal alan” operettasında xalq mahnı, rəqs və muğam ənənələrini sintez edərək yeni vokal üslubu yaradıb.
