Mingəçevir Dövlət Dram Teatrı yazıçı Xeyrəddin Qocanın “Zamanın ruzigarı” pyesinin motivləri əsasında “Molla Nəsrəddin” tamaşasını səhnələşdirib. 

Böyük demokrat ədib Cə­lil Məmmədquluzadənin keş­məkeşli həyatından, “Molla “Nəsrəddin” jurnalının nəşri­nin çətinliklərindən bəhs edən pyesə rejissor Vüsal Meh­rəliyev quruluş verib. Səhnə əsərinin quruluşçu rəssamı Pakizə Adilbəyli, musiqi tərti­batçısı Elnur Rəsulov, rejissor assistentləri İlahə Qasımova, Çiçək İsmayılzadə, rəqslərin quruluşçusu Eyvaz Əliyevdir. Tamaşaçılar Mirzə Cəlilin, Mirzə Ələkbər Sabirin, Əb­dürrəhim bəy Haqvediyevin, Üzeyir Hacıbəylinin, Mirzə Fətəli Axundovun obrazlarını səhnədə bir arada görüncə dönə-dönə alqışlayıblar.

Rolları teatrın aktyorları Aydın Quliyev – Mirzə Cəlil, Vüsalə Əliyeva – Həmidə xa­nım, Paşa Salmanov – Mirzə Ələkbər Sabir, Şıxı Yaqubov – Əbdürrəhim bəy Haqverdi­yev, Hüseyin Mustafayev – Kefli İskəndər, Qabil İbrahimli – Hacı Həsən, Asif Əhmədov – Vəli xan, Asim Məmmədov – Novruzəli oynayıblar.

Tamaşanın sonunda teat­rın direktoru İntiqam Soltan, rejissor Vüsal Mehrəliyev, müəllif Xeyrəddin Qoca səh­nəyə çıxaraq, yeni tamaşa üzərində birgə işdən danışıb­lar. Onlar əsərin Mirzə Cəlilin ölməz ruhuna ərməğan oldu­ğunu bildiriblər. 

XQ