Əməkdar mədəniyyət işçisi Musa Nəbioğlunun “Borçalıdan Şuşaya gedən yol” adlı yeni kitabı işıq üzü görüb.
Bu, müəlifin eyni adda hazırladığı 2-ci kitabdır və 2020-ci ilin payızında ölkəmizin ərazi bütövlüyünün bərpası uğrunda gedən 44 günlük müharibədə şərəflə vuruşaraq şəhid və qazi olmuş Borçalı əsilli soydaşlarımızdan bəhs edir.
Birinci kitabda olduğu kimi, bu topluda da Qarabağ müharibəsi şəhidlərinin və bu gün müharibə veteranı kimi şərəfli ad daşıyan soydaşlarımızın həyat hekayələri maraqlı dillə qələmə alınıb. Haqqında söhbət açılanlardan 3 nəfəri Azərbaycanın Milli Qəhrəmanıdır, qalan 40 nəfər isə şəhadətə yüksələn, eləcə də qazi olan və döyüş hünərlərinə görə orden və medallara layiq görülənlərdir.
Kitabın redaktoru polkovnik Elşad Həsənov, məsləhətçi isə polkovnik Telman Budaqovdur.
Ə.ƏLİYEV
XQ
