Fransanın Bretani regionunun Vann (Vannes) şəhərindəki “Köhnə liman”da tanınmış fotojurnalist Reza Deqatinin “Sükutun dərinliyi” adlı sərgisi təşkil edilib.
Sərgidə fotoqrafın Şuşa, Ağdam, Qobustan, Tərtər və Oğuzda çəkilmiş fotoları nümayiş olunur. Həmin fotolar arasında erməni işğalı zamanı viran edilmiş Ağdam və digər əzəli yurd yerlərimizi əks etdirən düşmənin nə qədər vəhşi və amansız olduğunu göstərir, vandalizmə nifrət oyandırır.
Sərgidəki fotolar arasında Azərbaycan multikulturalizmini əks etdirən fotolara da yer verilib. Görüşdə Reza Deqati və həyat yoldaşı Raşel Deqati də fotoların tarixçəsindən danışıblar. Ziyarətçilər sərgi zalında yerləşdirilmiş ekranda müəllifin fəaliyyəti və çəkdiyi fotolar haqqında məlumat verən videoçarxı da maraqla izləyiblər.
Hazırladı:
Ə.DOSTƏLİ
XQ
