Cəlil Məmmədquluzadə adına Naxçıvan Dövlət Milli Dram Teatrının kollektivi Türkiyədən Naxçıvan Dövlət Milli Dram Teatrının 140, Türkiyə Cümhuriyyətinin 100 illiyinə həsr edilmiş qastrol səfərindən qayıdıb. 

Kollektiv qastrol günlərin­də türkiyəli dramaturq Mehmet Ümit Görgülünün “Cibimizdə­ki cənnət” əsəri əsasında ha­zırladığı “Cibimizdəki dəlilik” psixoloji komediyasını qardaş ölkənin Ege bölgəsinin İzmir, Sardes və Foça şəhərlərində te­atrsevərlərə təqdim edib. Trup­pa Ege bölgəsində antik teatrın yaradıldığı Sardesdə keçirilən VIII Beynəlxaq Dionis Teatr və Təlim Düşərgəsinə də qatılıb. 

Azərbaycanı təmsil edən teatrın aktyorları türkiyəli mütəxəssislərin təşkil etdiyi təlimlərdə iştirak ediblər. Te­atrın direktor müavini Səməd Canbaxşiyev Naxçıvan teatrı­nın tarixi, yaradıcılıq ənənələri və bu günü ilə bağlı iştirakçı­lara geniş məlumat verib. O, qastrol səfərində məqsədin iki ölkə arasında mədəni əlaqələrə töhfə vermək və Azərbaycan teatr ənənələrini türkiyəli teatr­sevərlərə təbliğ etmək olduğu­nu vurğulayıb. 

Sardesdəki açıq hava altın­dakı meydanda “Kosa-kosa” oyunu, “Xına yaxdı” mərasimi və “Tənzərə” yallısı ilə tama­şaçılar qarşısında çıxış edən kollektiv qədim türk folkloru­nun Azərbaycanda bu gün də yaşadıldığını göstərib. Oyun­dan sonra yerli tamaşaçılar belə oyunların bir zamanlar onlarda da olduğunu, lakin bu gün unu­dulduğunu söyləyiblər. Onlar milli ənənəni yaşatdıqları üçün Naxçıvan aktyorlarına təşəkkür ediblər. 

Qastrol səfərinin sonun­da türkiyəli dramaturq Meh­met Ümit Görgülü Naxçıvan Teatrının kollektivinə əsərini peşəkar səviyyədə hazırlayıb təqdim etdiklərinə görə təşək­kürünü bildirib. O, Azərbaycan teatr sənətinin yüksək səviyyə­də olduğunu vurğulayıb.

Xatırladaq ki, Mehmet Ümit Görgülünün “Cibimizdə­ki dəlilik” əsərinin rejissoru, musiqi tərtibatçısı və baş rolu­nun ifaçısı Naxçıvan Muxtar Respublikasının əməkdar artisti Səməd Canbaxşiyev, rəssamı Naxçıvan Muxtar Respublika­sının əməkdar rəssamı Səyyad Bayramovdur. Tamaşada rol­ları gənc aktyorlar Məmməd Mehdiyev, Ələsgər Quliyev, Uğur Nəsirli, Mehri Nəbiyeva, Ləman Vəliyeva, Vəfa Qurba­nova, Mirqabil Əkbərov, Amil Yusifov və Azərbaycan Res­publikasının Əməkdar artisti Əbülfəz İmanov ifa edilər. 

Səbuhi HƏSƏNOV,
Naxçıvan