Ədliyyə Nazirliyinə edilən müraciətlərə operativ baxılması, vətəndaş məmnunluğunun artırılması, nazirliyin fəaliyyət istiqamətləri üzrə vətəndaşları maraqlandıran məlumatların daha əlçatan olması məqsədilə 881 Çağrı Mərkəzi müasir tələblərə cavab verən yenilənmiş formatda vətəndaşların istifadəsinə verilib.
Yenilənmiş mərkəz ən müasir texnoloji avadanlıqlarla, o cümlədən interaktiv səsli cavablandırma (IVR) sistemi, səsboğucu cihazlar, proqram təminatı, texniki və metodiki vasitələrlə təchiz olunub. Mərkəz vətəndaşlara rəsmi iş günlərində saat 09:00-dan 18:00-dək xidmət göstərir.
Xatırladaq ki, mərkəzin fəaliyyəti ilə Ədliyyə naziri Fərid Əhmədov yerində tanış olub.
XQ
