2025-ci ilin yanvar-iyul ayları ərzində Naxçıvan Muxtar Respublikasının Sahibkarlığın İnkişafı Fondu tərəfindən güzəştli kreditlə təmin edilən sahibkarlıq subyektlərinin sayı 2024-cü ilin eyni dövrü ilə müqayisədə 4,9 dəfə artaraq 97-yə çatıb. Maliyyələşdirilmiş güzəştli kreditlərin məbləği isə 3,4 dəfə artaraq 8,2 milyon manat təşkil edib.
Bu haqda “Xalq qəzeti”nə Sahibkarlığın İnkişafı Fondundan məlumat verilib. Məlumata görə, Fond tərəfindən verilmiş ümumi güzəştli kredit məbləğinin 68,0 faizi sənaye, 20,3 faizi kənd təsərrüfatı məhsullarının istehsalı, 11,7 faizi xidmət sahələrinə yönəldilib.
