Hörmətli redaksiya, uzun illərdir ki, yaddaşsızlıqdan (amneziya xəstəliyi) əziyyət çəkən anam Səmayə Muradovanın bir neçə gün əvvəl evdən çıxaraq geri qayıtmaması, itkin düşməsi ailədə ciddi narahatlıq, həyəcan yaratmışdı. Axtarışlarımız isə heç bir nəticə verməmişdi.              

Müvafiq axtarış, araşdırma aparmaq üçün DİN-nin 102 çağrı mərkəzinə zəng etdik. Yaşadığımız ərazidə yerləşən Səbail Rayon Polis İdarəsinin 8 saylı bölməsinə yönləndirilən əməliyyat qısa müddətdə narahatlığımıza son qoydu. Bölmənin baş təhqiqatçısı, polis mayoru Ramil Lətiflinin və əməliyyat müvəkkili, polis leytenantı Qasım İsmayılovun həyata keçirdikləri operativ tədbirlər nəticəsində itkin düşən anam  tapılaraq evimizə gətirildi. 

Hörmətli redaksiya, yüksək peşəkarlıq göstərərək ailəmizi bu narahatlıqdan qurtaran polis əməkdaşlarına qəzetiniz vasitəsilə minnətdarlığımızı bildiririk. Doğrudan da, mənim polisim məni qoruyur. 

Mehriban QULİYEVA, 
Gülbala Əliyev küçəsi, 
dalan 2, ev 9