Dövlət Turizm Agentliyi və Şamaxı Rayon İcra Hakimiyyətinin təşkilatçılığı ilə Meysəri kəndində III Üzüm və Şərab Festivalının açılışı olub. 

Təntənəli açılış mərasimində Azərbay­can Respublikası Prezidentinin köməkçisi, Heydər Əliyev Fondunun icraçı direktoru Anar Ələkbərov, Dövlət Turizm Agentli­yinin sədri Fuad Nağıyev və digər şəxslər iştirak ediblər.

Şamaxı Rayon İcra Hakimiyyətinin başçısı Tahir Məmmədov bildirib ki, re­gionun turizm potensialı çox böyükdür. Vaxtilə yalnız aqrar region kimi tanınan Şamaxı bu gün həm aqroturizm, həm də turizmin digər bütün istiqamətlərində in­kişaf edir. Şamaxının poeziyası, musiqisi, xalçaçılığı, qədim tarixi abidələri, turistlərə çox yüksək səviyyədə təqdim etmək yeni layihələr icra olunacaq. 

Dövlət Turizm Agentliyi sədrinin mü­şaviri Kənan Quluzadə deyib ki, festivalın miqyası ildən-ilə genişlənəcək, beynəlxalq xarakter daşıyacaq. Azərbaycan şərabçılıq, eləcə də Şirvanda üzümçülük ənənələri çox qədim və zəngindir. Dövlət Turizm Agent­liyi şərabçılığın təbliğində bu irsdən geniş istifadə edəcək.

Festivalın ilk günündə 4 mindən çox adam müxtəlif tədbirlərin iştirakçısı oplub. Təqdimatlarda ölkənin müxtəlif bölgələrin­də hazırlanan şərblar və üzüm məhsulları sərgilənib.

Xatırladaq ki, Azərbaycan 20 ölkənin şərabçılıq marşrutunu özündə birləşdirən, Avropa Şurası və Avropa Mədəni Marşrut­lar İnstitutu tərəfindən şərab irsi və şərab­çılıq turizmini, eləcə də dayanıqlı turizm növlərini təşviq etmək məqsədi ilə yara­dılmış “İter Vitis” maddi və qeyri-maddi şərabçılıq mədəni marşrutunun üzvüdür. Festivalın keçirilməsinin məqsədi isə yer­li üzüm və şərab istehsalını təşviq etmək, şərab məhsullarının ixrac potensialını ar­tırmaq, Azərbaycanda üzümçülük və şərab istehsalı tarixinin və bu sahədə görülən iş­lərin geniş ictimaiyyətə çatdırılmasıdır.

XQ