Sentyabrın 1-nə təyin edilmiş Azərbaycan Respublikasının Milli Məclisinə növbədənkənar seçkilərlə əlaqədar Mərkəzi Seçki Komissiyasının təşkilatçılığı ilə iyulun 17-də Şəki şəhərində keçirilən regional seminarda seçki hüququnun pozulmasına dair müraciətlərə baxılması məsələləri ətraflı müzakirə olunub.

Seminarda MSK Katibliyinin rəsmiləri, respublikanın şimal-qərb bölgəsində, ət­raf şəhər və rayonlarda fəaliyyət göstərən 17 seçki dairəsi dairə seçki komissiyaları­nın hər birindən 3 ekspert olmaqla, ümu­milikdə aşağı seçki komissiyalarının 51 təmsilçisi iştirak edib.

Seminarı MSK Katibliyinin müdiri İlqar Əlizadə açaraq Milli Məclisə seçkilərə hazırlıqla əlaqədar Komissiya tərəfindən həyata keçirilən tədbirlər barədə məlumat verib. Bildirilib ki, regional seminarların keçirilməsində əsas məqsəd dairə seçki komissiyalarının ekspert qrupu üzvlərinin seçki prosedurları ilə bağlı məlumatla­rının artırılması və praktiki vərdişlərinin gücləndirilməsindən ibarətdir.

Sonra İlqar Əlizadə “Seçki hüququ­nun pozulması ilə əlaqədar müraciət və şikayətlərə baxılması üzrə qanunvericili­yin tələbləri və şikayətlərin araşdırılması prinsipləri” mövzusunda təqdimatla çıxış edib. Əyani vəsaitlərdən istifadə olun­maqla keçirilən təqdimatda seminar iş­tirakçılarına seçki qanunvericiliyi, seçki hüquqlarının pozulması ilə bağlı şikayət­lərin verilməsi, şikayət vermək hüququ­na malik subyektlər, şikayətin predmeti, vətəndaşlar tərəfindən təqdim edilən şi­kayətlərin forması və məzmunu, şikayət və müraciətlərin xarakteri, araşdırılma müddətləri, ardıcıllığı, qaydaları və sü­butların qiymətləndirilməsi, şikayətə dair qərar qəbul olunması müddəti, şikayətin qəbul edilməsindən sonra növbəti prose­durlar və digər məsələlər barədə ətraflı izahat verilib.

Sonra MSK Katibliyinin hüquq şöbə­sinin müdiri Rafiq Abbasovun “Seçkilərlə bağlı müraciətlərə dairə seçki komissiya­ları tərəfindən baxılması. Ekspert qrupla­rının fəaliyyətinin əsasları” mövzusunda təqdimatı dinlənilib.