Dünən Bakı Ekspo Mərkəzində “Yüksəliş” müsabiqəsinin yarımfinal mərhələsinin açılış mərasimi keçirilib. 

Təşkilat Komitəsinin sədri, Prezident Administrasiyasının şöbə müdiri Fərəh Əliyeva, Dövlət İmtahan Mərkəzinin Di­rektorlar Şurasının sədri Məleykə Ab­baszadə, elm və təhsil naziri Emin Əm­rullayev, İcbari Tibbi Sığorta üzrə Dövlət Agentliyi İdarə Heyətinin sədri Zaur Əliyev, gənclər və idman nazirinin müa­vini, müsabiqənin işçi qrupunun rəhbəri Fərhad Hacıyev və qonaqlar iştirakçıları təbrik edərək onlara uğurlar arzulayıblar. Çıxışlarda yarışçıların dəyərli təcrübə qazandıracağı və gələcək karyeralarında əhəmiyyətli rol oynayacağı vurğulanıb. 

“Yüksəliş”in dördüncü mövsümünün yarımfinal və final mərhələlərinin ümu­mi konsepti “Təbiəti yaşıllaşdır, dünyanı yaxşılaşdır” devizi ilə “Yaşıl dünya na­minə həmrəylik ili”dir. Əyani mərhələni uğurla başa vuran 328 namizəd yarımfi­nalda iştirak edir.

Namizədlər ilk gün “Yaşıl aksiya”­da iştirak ediblər. Yarımfinal iştirakçıları “Nə? Harada? Nə zaman?” intellektual oyununda öz bilik və bacarıqlarını nüma­yiş etdiriblər.

Növbəti günlərdə keyslər üzrə mü­barizə aparılacaq və 8 bacarıq (strate­ji düşüncə, effektivliyin idarə edilməsi, nəticəyönümlülük, komanda işi, kom­munikasiya bacarıqları, dəyişikliklərin və innovasiyaların idarə edilməsi, sosial məsuliyyət, liderlik) ekspertlər tərəfin­dən qiymətləndiriləcək. Qiymətləndirmə beynəlxalq “Qiymətləndirmə konfransı” metodu ilə həyata keçirilir. Keyslər müa­sir dünya təcrübəsi əsasında və qabaq­cıl formatda hazırlanıb və Azərbaycanın iqtisadiyyatı, sosial, insan resursları və yenidənqurma sahələrini əhatə edir. 

Yarımfinal iyulun 7-də tamamlana­caq. Müsabiqənin finalı .31iyulun 19-21-də keçiriləcək. 

XQ