Dünən Azərbaycan Respublikasının xarici işlər naziri Ceyhun Bayramov Səudiyyə Ərəbistanına işgüzar səfəri çərçivəsində İslam Əməkdaşlıq Təşkilatının (İƏT) Xarici İşlər Nazirləri Şurasının fövqəladə iclasında iştirak və çıxış edib.

Ceyhun Bayramov çıxışında İsrail–Fələs­tin münaqişə bölgəsin­də mövcud vəziyyətin, mülki əhali arasında davam edən itkilərin, Qəzza bölgəsindən insanların didərgin düşməsinin, habelə əhalinin aclıqla üzləş­məsinin ciddi narahat­lıq doğurduğunu qeyd edib.

Ölkəmiz adından qurbanların ailələ­rinə və yaxınlarına başsağlığını çatdıran nazir Azərbaycanın hərbi əməliyyatların təcili şəkildə dayandırılması ilə bağlı ça­ğırışlara qoşulduğunu, habelə günahsız insanların itkisinə son qoymaq üçün bey­nəlxalq ictimaiyyət tərəfindən təxirəsalın­maz tədbirlərin görülməsinin vacibliyini vurğulayıb.

Azərbaycanın İsrail–Fələstin mü­naqişəsinin beynəlxalq hüququn norma­ları, habelə Birləşmiş Millətlər Təşkila­tının müvafiq qətnamələri əsasında iki dövlət prinsipi əsasında həllini dəstəklə­diyi, habelə bu illər ərzində münaqişə­nin humanitar nəticələrinin aradan qal­dırılması istiqamətində davamlı səylər göstərdiyi diqqətə çatdırılıb.

Milli səviyyədə qardaş Fələstin xalqı­na göstərilən humanitar yardımdan bəhs edən nazir Azərbaycanın insanlara yar­dım üçün sonuncu dəfə BMT-nin müvafiq agentliyinə 2 milyon ABŞ dolları məb­ləğində maliyyə töhfəsi verdiyini bildirib. 

* * *

Nazir Ceyhun Bayramov fövqəladə iclas çərçivəsində İran İslam Respublika­sının xarici işlər naziri Hüseyn Əmir-Ab­dullahian ilə görüşüb.

Söhbət zamanı iki ölkə arasında ikitərəfli və regional məsələlər, habelə bölgədə mövcud vəziyyət müzakirə olu­nub. İran naziri ölkəmizdə seçkilərin Azərbaycanın bütün ərazilərində keçiril­məsi ilə əlamətdar olduğunu vurğulayıb. 

Nazirlər Azərbaycanın səfirliyinə terror hücumunu törədən şəxsə qarşı məhkəmə hökmündən sonra səfirliyimi­zin işinin bərpası istiqamətində addımlar barədə də fikir mübadiləsi aparıblar. 

Tərəflər yüksək səviyyəli təmasla­rın genişləndirilməsi, Azərbaycanla İran arasında Hökumətlərarası Birgə İqtisadi Əməkdaşlıq Komissiyasının işinin önəmi­nin, bölgədə nəqliyyat və kommunikasiya dəhlizlərinin inkişafı və genişləndirilməsi istiqamətində planları müzakirə ediblər.

Ceyhun Bayramov həmkarına möv­cud regional vəziyyət, eləcə də Azərbay­canla Ermənistan arasında sülh prosesi­nin cari vəziyyəti və perspektivləri barədə məlumat verib.

XQ