Qazaxıstanın Almatı şəhərində baş verən zəlzələdən sonra insan tələfatı və dağıntı olmayıb. Bu barədə martın 4-də Almatı şəhərinin fövqəladə hallar departamentinin rəhbəri Nurlan Atıqayev məlumat verib. Xəbəri “İzvestiya.ru” yayıb.
“Hazırda tələfat və dağıntı qeydə alınmayıb, Fövqəladə Hallar Departamenti operativ qaynar xətt yaradıb”, - deyə Atıqayev bildirib.
O əlavə edib ki, zəlzələ ilə əlaqədar Almatı şəhərinin meri (rəhbəri) Erbolat Dosayevin rəhbərliyi ilə şəhərə operativ qərargah yerləşdirilib. Atıqayev xəbərdarlıq edib ki, təkrar təkanların baş verməsi riski var.
P.ƏMİRCANOV
XQ
