Fevralın 28-də Rusiyanın Stav­ropol diyarının Mineralnıe Vodı şəhərində Azərbaycan İq­tisadiyyat Nazirliyinin və Rusi­ya İqtisadi İnkişaf Nazirliyinin təşkilatçılığı ilə 12-ci Azərbay­can-Rusiya Regionlararası Fo­rumu keçirilib. 

Forum işini KOB sahəsində əməkdaşlığa həsr olunmuş B2B və B2G formatlarında görüşlər və müxtəlif istiqamətlər üzrə dəyirmi masalarda təşkil olunmuş müza­kirələrlə başlayıb.

Yekunda keçirilən plenar iclasda Azərbaycan və Rusiya prezidentləri İlham Əliyev və Vladimir Putinin fo­rum iştirakçılarına müraciətləri oxu­nub.

Azərbaycan Respublikasının Pre­zidentinin müraciətində qeyd olunub ki, qarşılıqlı hörmət və etimada əsas­lanan tərəfdaşlığımız praktik olaraq bütün sferaları əhatə edir. 

Baş nazirin müavini, Azərbay­can Respublikası ilə Rusiya Federa­siyası arasında iqtisadi əməkdaşlıq məsələləri üzrə Hökumətlərarası Dövlət Komissiyasının həmsədri Şa­hin Mustafayev qeyd edib ki, Ru­siya Azərbaycanın mühüm ticarət tərəfdaşlarından biridir və qeyri-neft məhsullarımızın ixracında birinci yer­dədir. 2023-cü ildə Rusiya ilə ticarət dövriyyəsi 17,5 faiz artaraq 4,4 mil­yard dollara çatmışdır. 

Bildirilib ki, “Şimal-Cənub” Bey­nəlxalq Nəqliyyat Dəhlizi ölkələri­mizin əraziləri vasitəsilə Cənubi Asi­yadan Avropaya yüklərin daşınması üçün optimal imkanların yaradılma­sına yönəlib və 2023-cü ildə dəhlizlə yükdaşımaların həcmi təxminən 17 faiz artıb. 

İclasda çıxış edənlər ölkələrimiz arasında tərəfdaşlıq münasibətlərinin inkişaf etdirilməsinə dair fikir və tək­liflərini bölüşüblər. 

XQ