"Monitorinq koalisiyamızı təmsil edən müşahidəçilər ölkənin demək olar ki, bütün regionlarında səsvermə prosesini izləyirlər. Mütəmadi olaraq koalisiyanın qərargahı ilə əlaqə saxlayırlar, vəziyyətlə bağlı məlumat verirlər”. Bunu secki-2024.az saytına açıqlamasında “Mənim Səsim” Seçki-Monitorinq Koalisiyasının həmtəsisçisi Səadət Bənənyarlı deyib.
QHT rəhbəri bildirib ki, seçki məntəqələrində hər hansı bir problem qeydə alınmayıb: “Seçkini müşahidə edən nümayəndələrimiz məntəqələrdə seçici fəallığının yüksək olduğunu bildiriblər. Beynəlxalq təşkilatları təmsil edən müşahidə missiyalarının üzvləri də seçki məntəqələrində seçkinin gedişini izləyirlər. Ümumilikdə proses normal axarda davam edir”.
