İşğaldan azad olunmuş Laçın şəhərində 121 saylı Laçın seçki dairəsinin 105 saylı seçki məntəqəsi yaradılıb və burada 1 464 seçici qeydiyyata alınıb.
Bu barədə seçki məntəqəsinin sədri Şəbnəm Uğurlu məlumat verib. O deyib ki, əvvəlki illərdən fərqli olaraq seçki prosesinə çox həvəslə hazırlaşırlar. Bunun da əsas səbəbi doğulduğumuz, lakin işğal səbəbindən böyüyə bilmədiyimiz ata yurdumuzda 32 ildən sonra ilk dəfə səsvermə hüququmuzdan istifadə etməyimizlə bağlıdır.
Ş.Uğurlu məntəqənin Mərkəzi Seçki Komissiyası tərəfindən bütün lazımi avadanlıqlarla təmin edildiyini bildirib. Prezident seçkiləri günü məntəqədə 1464 seçicinin səsverməsi üçün hər cür şərait yaradılıb. Onların tərkibində həm Laçın şəhəri sakinləri, həm də altı aydan çox əmək müqaviləsi ilə burada çalışan vətəndaşlar var.
Əliqismət BƏDƏLOV
XQ