Serbiyalı ekspert, siyasi elmlər doktoru, Belqrad Avropa Araşdırmaları İnstitutunun elmi işçisi Stevan Qajiç fevralın 7-də Azərbaycanda keçiriləcək növbədənkənar prezident seçkilərini yüksək dəyərləndirərək deyib ki, bu seçkilər təkcə yerli və regional deyil, həm də müəyyən dərəcədə qlobal xarakter daşıyır.
Ekspertin sözlərinə görə, bu seçkilər dünyanın siyasi mənzərəsi baxımından çətin bir vaxtda keçirilir. S.Qajiç deyib ki, Azərbaycanın yerləşdiyi regionda – Cənubi Qafqazda və Yaxın Şərq regionunda bir sıra müharibələrin və böhranların yaşandığı bir coğrafiyada və bütünlüklə dünyada bir sıra vacib seçkilər keçiriləcək. Bu ili, ümumilikdə, dünyada seçki ili adlandırmaq olar. Çünki ABŞ və Rusiyadan tutmuş Avropa İttifaqındakı seçkilərə qədər bir çox ölkələrdə seçki prosesi olacaq. Bu baxımdan, Azərbaycanda keçiriləcək seçkilər də təbii olaraq həm region, həm də qlobal mənada əhəmiyyətlidir.
Əliqismət BƏDƏLOV
XQ