“Azərbaycan Xəzər Dəniz Gəmiçiliyi” Qapalı Səhmdar Cəmiyyətinin (ASCO) Dəniz Nəqliyyatı Donanmasına məxsus “Ordubad” gəmi-bərəsinin tərsanə təmiri yekunlaşıb.
ASCO-dan verilən məlumata görə, təmir işləri Zığ Gəmi Təmiri və Tikintisi Zavodunda aparılıb. Təmir işləri çərçivəsində gəminin gövdəsi qaynaq edilib, avtomatika və boru işləri görülüb, müxtəlif təyinatlı nasoslar təmir olunub. Bundan əlavə, bərənin sualtı və suüstü hissəsi, vaqon göyərtəsi təmizlənərək rənglənib, gəmi heyətinin yaşayış şəraitini yaxşılaşdırmaq üçün kayutlarlarda lazımi işlər görülüb. Təmir işləri başa çatdıqdan sonra gəmi-bərə yenidən istismara qaytarılıb.
Qeyd edək ki, uzunluğu 154,55, eni 18,3 metr olan “Ordubad” gəmi-bərəsinin maksimal sürəti 15 uzel təşkil edir.
XQ