Hesabat ilində Azərbaycanla Türkiyə arasında ticarət dövriyyəsi əvvəlki illə müqayisədə 31faiz və ya 1 milyard 808 milyon dollar artaraq 7 milyard 650 milyon dollar təşkil edib.
Dövlət Gömrük Komitəsinin məlumatında daha sonra bildirilir ki, ötən il Azərbaycandan qardaş ölkəyə ixracın həcmi 2022-ci illə müqayisədə 51.2 faiz və ya 1 milyard 814 milyon dollar artaraq 5 milyard 359,3 milyon dollara, Türkiyədən respublikamıza ixracın həcmi isə 0,3 faiz və ya 6,1 milyon dollar azalaraq 2 milyard 291 milyon dollara bərabər olub.
Hesabat dövründə Azərbaycandan Türkiyəyə 783 milyon 861 min dollar dəyərində qeyri-neft məhsulları ixrac edilib ki, bu da 2022-ci ilə müqayisədə 9.9 faiz çoxdur.
Xatırladaq ki, 2023-cü ildə Azərbaycanın ümumi ticarət dövriyyəsi 51 milyard 183 milyon dollar, qeyri-neft ixracı isə 3,3 milyard dollar təşkil edib.
XQ