Dünən Naxçıvan şəhərində Yeni ilin gəlişi münasibətilə “Qış festivalı” açılıb.

Muxtar Respublikada Azər­baycan Respublikası Prezi­dentinin səlahiyyətli nümayən­dəsi Fuad Nəcəfli, dövlət və hökumət nümayəndələri Nax­çıvan şəhərinin Heydər Əliyev prospektində təşkil olunmuş “Qış festivalı”nın açılışında iş­tirak ediblər.

Məlumat verilib ki, Yeni il şənliklərinin mərkəzi tədbiri olan festival 2024-cü il yan­varın 7-dək davam edəcək. Yeni il şəhərciyi ötən illərdən fərqli olaraq yeni dizaynda və rəngarəng dekorlarla bəzədi­lib, burada şəhərin ən böyük yolkası quraşdırılıb. Böyük pavilyonda ölkənin əsas ulduz­sənətçilərinin, növbəti günlər­də isə digər ifaçıların təqdima­tında maraqlı konsert proqramı təqdim olunacaq.

Prospektin ümumi ab-ha­vasına uyğun quraşdırılan 30-a yaxın köşkdə muxtar res­publika sakinlərinə və qonaq­lara müxtəlif iaşə xidmətləri göstəriləcək.

Səlahiyyətli nümayəndə təqdim olunan məhsullarla ta­nış olub. Məlumat verilib ki, muxtar respublikada fəaliyyət göstərən istehsal və iaşə ob­yektlərində, eləcə də bölgələr­də fəaliyyət göstərən ailə təsər­rüfatları tərəfindən hazırlanan müxtəlif mətbəx nümunələri, şirniyyat və qənnadı məmulat­ları, fast-fudlar, meyvə şirələri, dəniz məhsuları, çərəzlər, elə­cə də müxtəlif əl işləri festival boyunca təqdim olunacaq. 

“Heydər Əliyev – 100”, “Naxçıvan Muxtar Respubli­kası – 100” və Zəfər tariximizi əks etdirən foto və nəşrlərdən ibarət stendlər Naxçıvan Döv­lət Universitetinin kollektivi və Gənclər Fondunun könüllüləri tərəfindən bütün festival boyu nümayiş etdiriləcək. Ali təhsil ocağının memarlıq fakültəsi tələbələrinin təqdim etdiyi la­yihələrə də baxış olub. Sonra 850 universitet tələbəsinin iş­tirakı ilə 625 mozaika fotodan ibarət Ulu öndərin portretini canlandıran flaşmob təqdim edilib.