Muxtar respublikanın Meliorasiya və Su Təsərrüfatı Açıq Səhmdar Cəmiyyətinin məlumata görə, son illər havaların quraqlıq keçməsi, yağıntının illk normadan aşağı olması səbəbindən su mənbələrində və çaylarda suyun miqdarı normadan aşağı olub. Ona görə də qapalı suvarma şəbəkəsindən daha geniş istifadə etmək zərurəti yaranıb. Belə bir vəziyyət nəzərə alınaraq muxtar respublikada 6 min 118 hektar sahədə qapalı suvarma şəbəkəsi tikilərək istifadəyə verilib.
Məlumatda daha sonra qeyd edilir ki, “Naxçıvan Muxtar Respublikasinin sosial-iqtisadi inkişafına dair 2023-2027-ci illərin Dövlət Proqramı” ənənəvi suvarmadan mərhələli şəkildə daha mütərəqqi suvarma sistemlərinin tətbiqinə keçmək zərurətini yaradıb. Buna görə də hazırda mövcud qapalı suvarma şəbəkəsi üzərində mütərəqqi suvarma sistemlərindən olan pivot suvarma sisteminin tətbiq edilməsi nəzərdə tutulur.
XQ