Azərbaycan Respublikası Mərkəzi Seçki Komissiyasının (bundan sonra – Mərkəzi Seçki Komissiyası) 8 dekabr 2023-cü il tarixli 7/15 saylı Qərarı ilə növbədənkənar Azərbaycan Respubli­kası Prezidenti seçkiləri 2024-cü il fev­ralın 7-nə təyin edilmişdir.

Bununla əlaqədar işğaldan azad edilmiş ərazilərdə məskunlaşan və uzunmüddətli tikinti-quruculuq işlərin­də çalışan çoxsaylı seçicilərin seçki hüquqlarının qanunvericiliyin tələbinə əsasən təmin edilməsi, habelə Azər­baycan Respublikası Seçki Məcəllə­sinin (bundan sonra – Seçki Məcəl­ləsi) 35.3-cü maddəsinin tələblərinin ödənilməsi məqsədilə müvafiq seçki dairələrinin dairə seçki komissiyaları tərəfindən yeni seçki məntəqələrinin yaradılması zərurəti yaranmışdır.

Seçki Məcəlləsinin tələblərinə uy­ğun olaraq 1 saylı Şərur – Sədərək, 2 saylı Şərur – Kəngərli, 3 saylı Babək – Şahbuz – Kəngərli, 4 saylı Naxçıvan şəhər, 5 saylı Babək – Naxçıvan – Cul­fa, 47 saylı Sumqayıt – Abşeron – Qa­radağ, 75 saylı Yardımlı – Masallı, 84 saylı Füzuli, 97 saylı Tərtər – Naftalan – Goranboy, 118 saylı Ağdam şəhər, 120 saylı Cəbrayıl – Qubadlı, 121 say­lı Laçın, 122 saylı Xankəndi, 123 saylı Kəlbəcər, 124 saylı Şuşa – Ağdam – Xocalı – Xocavənd və 125 saylı Zəngi­lan – Qubadlı seçki dairələrinin hüdud­ları daxilində yeni seçki məntəqələrinin yaradılması və məntəqə seçki komissi­yalarının təşkili müvafiq seçki dairələri­nin dairə seçki komissiyalarına həvalə edilməlidir. 

Qeyd edilənlərə əsasən Mərkəzi Seçki Komissiyası Seçki Məcəlləsinin 17.6.19-cu, 19.4-cü, 28.4-cü və 35-ci maddələrinə uyğun olaraq qərara alır:

1. 1 saylı Şərur – Sədərək, 2 saylı Şərur – Kəngərli, 3 saylı Babək – Şah­buz – Kəngərli, 4 saylı Naxçıvan şəhər, 5 saylı Babək – Naxçıvan – Culfa, 47 saylı Sumqayıt – Abşeron – Qaradağ, 75 saylı Yardımlı – Masallı, 84 saylı Füzuli, 97 saylı Tərtər – Naftalan – Go­ranboy, 118 saylı Ağdam şəhər, 120 saylı Cəbrayıl – Qubadlı, 121 saylı La­çın, 122 saylı Xankəndi, 123 saylı Kəl­bəcər, 124 saylı Şuşa – Ağdam – Xo­calı – Xocavənd və 125 saylı Zəngilan – Qubadlı seçki dairələrinin hüdudları daxilində Seçki Məcəlləsində nəzərdə tutulan müddətlərə dair tələblərə riayət edilməklə yeni seçki məntəqələrinin yaradılması və həmin seçki məntəqələ­ri üzrə məntəqə seçki komissiyalarının təşkili müvafiq seçki dairələrinin dairə seçki komissiyalarına həvalə edilsin.

2. Bu Qərar dərc edildiyi gündən qüvvəyə minir.

Sədr Məzahir PƏNAHOV
Katib Arifə MUXTAROVA
Katib Mikayıl RƏHİMOV