Milli Olimpiya Komitəsinin idman yekunlarına həsr olunmuş təntənəli “Olimpiya gecəsi” mərasimi keçirilib.

Dövlət və hökumət rəsmiləri, idman təşkilatlarının, federasiyaların, media qurumlarının rəhbərləri, Olimpiya çem­pionları və idman ictimaiyyətinin nü­mayəndələrinin iştirak etdikləri tədbirdə əvvəlcə Azərbaycanın ərazi bütövlüyü və suverenliyi uğrunda canından keçən şə­hidlərin xatirəsi bir dəqiqəlik sükutla yad edilib.

Mərasimdə çıxış edən MOK-un vitse-prezidenti Çingiz Hüseynzadə 2023-cü ilin Azərbaycan idmanı üçün uğurla keçdiyini deyib. Nailiyyətlərin il­dən-ilə artdığını söyləyən Çingiz Hü­seynzadə bunun səbəbinin ölkə başçısı İlham Əliyevin 1997-ci ildə Milli Olimpiya Komitəsinin prezidenti seçilməsi və fəa­liyyəti ilə bağlı olduğunu diqqətə çatdı­rıb. Qazanılan uğurlara görə federasiya rəhbərlərini, idmançıları və idman icti­maiyyətinin nümayəndələrini təbrik edən Ç.Hüseynzadə 2024-cü ilin ölkə idmanı üçün daha da uğurlu olacağına əmin ol­duğunu deyib. 

Sonra Avropa Olimpiya Komitələri­nin və Yunanıstan Olimpiya Komitəsinin prezidenti Spiros Kapralosun video for­matda təbriki olub. Tədbir iştirakçılarını Azərbaycan dilində salamlayan qurum rəhbəri Azərbaycanın dünyada idman ölkəsi kimi tanındığını, Birinci Avropa Oyunlarının Bakıda yüksək səviyyədə təşkil olunduğunu vurğulayıb. O bildirib ki, Azərbaycanda idmana dövlət səviyyə­sində göstərilən yüksək diqqət və qayğı Prezident İlham Əliyevin yürütdüyü uğur­lu siyasətin bir hissəsidir.

2023-cü ilin idman yekunları ilə bağ­lı videoçarx təqdim olunduqdan sonra müxtəlif nominasiyalar üzrə ilin qaliblə­rinin mükafatlandırılma mərasimi təşkil edilib. Aparılan sorğunun yekun nəticələ­rinə əsasən, Azərbaycan Dövlət İnfor­masiya Agentliyi-AZƏRTAC ilin ən aktiv yazılı mediası seçilib. “İdman TV” isə ilin ən aktiv telekanalı nominasiyası üzrə fərqlənib. 

Bundan başqa, Azərbaycan Cüdo Federasiyası “Qızlara ağ yaraşır” sosial layihəsi ilə ilin ən yaradıcı, Azərbaycan Kanoe və Avarçəkmə Federasiyası ilin ən aktiv idman qurumu adına layiq görülüb. Elm və Təhsil Nazirliyi ilin ən loyal tərəf­daşı, Azərbaycan Dövlət Reklam Agentliyi ilin ən aktiv tərəfdaşı nominasiyası üzrə qalib olub. BP şirkəti ilin ən kreativ, “Toyo­ta” isə ilin ən aktiv sponsoru olub.

İlin ən aktiv qadın idmançısı adını qa­dın güləşçi Mariya Stadnik, ilin ən aktiv kişi idmançısı adını isə veteran cüdoçu Rüstəm Orucov qazanıb.

Təntənəli yubiley mərasimi konsert proqramı ilə davam edib.

L.QURBANOVA
XQ