Noyabrın 29-da Astara şəhərində “Heydər Əliyev və müasir dövlət quruculuğu” adlı işgüzar konfrans keçirilib.

Rayon Mədəniyyət Mərkəzində keçi­rilən tədbirdə çıxış edən Baş Prokuror­luğun idarə rəisi Murad Dadaşov Ulu öndər Heydər Əliyevin mövcud iqtisadi inkişafın və hərtərəfli tərəqqinin əldə olunmasındakı rolundan bəhs edib. Bil­dirilib ki, Heydər Əliyevin müasir dövlət quruculuğu siyasəti bu gün Prezident İlham Əliyev tərəfindən uğurla davam etdirilir.

Çıxışında işgüzar tədbirin Astara şəhərində təşkilindən məmnunluğunu ifadə edib.

Konfransda, həmçinin Astara Rayon İcra Hakimiyyətinin başçısı Qəzənfər Ağayev, rayon prokuroru Əli Əliyev, Milli Məclisin deputatları Rəşad Mahmudov və Ziyafət Əsgərov, Müdafiə Nazirliyi­nin mətbuat xidmətinin rəisi Anar Ey­vazov və digərləri fenomenal şəxsiyyət Heydər Əliyevin gənclər siyasəti, ordu quruculuğu və insan hüquqlarına verdiyi dəyər, Ulu öndərin xilaskarlıq missiyası və zəngin dövlətçilik irsi mövzularında danışıblar. 

Sonda dövlət başçısının 2003-cü ildən başlayaraq, yürütdüyü məqsəd­yönlü siyasət və bunun nəticəsində tor­paqlarımızın işğaldan azad olunması ilə bağlı tarixi missiyasına həsr olunmuş “İlham” sənədli filmi nümayiş etdirilib.

XQ