Dünən Baş Prokurorluqda media subyektləri və jurnalistlər üçün “Cinayət təqibi, media və vətəndaş cəmiyyəti institutlarının qarşılıqlı əlaqələrinin müasir tendensiyaları” mövzusunda təlim keçirilib.
Baş Prokurorluğun mətbuat xidmətinin əməkdaşları, Medianın İnkişafı Agentliyinin şöbə müdiri Natiq Məmmədli, Bakı Dövlət Universitetinin jurnalistika fakültəsinin dekanı Vüqar Əliyev və müxtəlif media qurumlarını təmsil edən jurnalistlərin iştirakı ilə keçirilən təlimdə prokurorluq orqanlarında gerçəkləşdirilən kommunikasiya siyasəti barədə ətraflı məlumat verilib, işin səmərəliliyinin artırılması yönündə media nümayəndələrinin təklifləri dinlənilib, mövzu ətrafında qarşılıqlı fikir mübadiləsi aparılıb.
Sonda jurnalistləri maraqlandıran suallar cavablandırılıb, belə təlimlərin davamlı olmasının zəruriliyi qeyd edilib.
Rizvan FİKRƏTOĞLU
XQ
.jpg)
.jpg)
.png)
.jpg)
