Dünən Dövlət Turizm Agentliyi və Şamaxı Rayon İcra Hakimiyyətinin təşkilatçılığı ilə rayonun Meysəri kəndində İkinci Üzüm və Şərab Festivalı keçirilib.
Tədbirdə ölkəmizin müxtəlif bölgələrindən olan üzüm emalı və şərab istehsalı zavodları tərəfindən müxtəlif çeşidli şərablar nümayiş etdirilib, şərab dequstasiyaları, yarmarkalar, yerli və beynəlxalq ekspertlərin iştirakı ilə somelye (şərab servisi) kursları təşkil olunub.
Festivalda uzun illərdən sonra ilk dəfə olaraq Qarabağın Tuğ kəndində yetişdirilən Azərbaycanın qədim yerli texniki üzüm sortu hesab olunan “Xındoqnı”dan alınan qırmızı süfrə şərablarının təqdimatı olub.
FİDAN
XQ