AMEA Əlyazmalar İnstitutunda 8 Noyabr Zəfər Günü qarşısında “Bu da nida!” adlı tədbir keçirilib. 

İnstitutun baş direktoru, akademik Teymur Kərimli Zəfərlə başa çatmış 44 günlük Vətən müharibəsinin tariximizin ən parlaq səhifəsinə, Azərbaycan xalqı­nın iftixar və qürur mənbəyinə çevrildiyini qeyd edib. O bildirib ki, 8 Noyabr Zəfəri müzəffər Ali Baş Komandanın yenilməz iradəsinin və böyük sərkərdəlik məharə­tinin, Azərbaycan Silahlı Qüvvələrinin döyüş əzminin, əsgər və zabitlərimizin rəşadətinin, yüksək hərbi-texniki, mənə­vi-psixoloji hazırlığının və peşəkarlığının təntənəsidir. 

Moskva Dövlət Beynəlxalq Əlaqələr Universitetinin professoru, Rusiya EA Maksim Qorki adına Dünya Ədəbiyya­tı İnstitutunun aparıcı elmi işçisi, AYB Moskva bölməsinin sədri, yazıçı-publisist Abuzər Bağırov Qarabağ zəfərinin tarixi önəmini qeyd edib. O, ordumuzun Vətən müharibəsindəki möhtəşəm qələbəsinə həsr etdiyi “Zəfər nəğməsi” poemasın­dan bir parçanı oxuyub. Sonra akademik Teymur Kərimlinin müəllifi olduğu “Şuşa­namə” kitabından möhtəşəm qələbəmizi vəsf edən şeirlər, “Ali Baş Komandanım” zəfər marşı səsləndirilib və “Azərbaycan bayrağı” adlı musiqili videokliplər nüma­yiş olunub. 

Sonda mərasim iştirakçıları “Bu da nida!” kitab sərgisi ilə tanış olublar.

Ə.ƏLİYEV
XQ