Nizami Kino Mərkəzində Elm və Təhsil Nazirliyi və İctimai TV-nin birgə hazırladığı “Şuşa maarifi” filmi ictimaiyyətə təqdim edilib. 

Mədəniyyət nazirinin müşaviri, Əməkdar incəsənət xadimi Orxan Fik­rətoğlu baxışdan əvvəl filmin həsr olun­duğu Şuşa maarifinin ölkə tarixində mütərəqqi rolunu vurğulayıb. Şəhərin maarif ocaqlarının Azərbaycan təhsilinə verdiyi töhfələrə toxunan natiq aparılan təmir-quruculuq işlərindən sonra orada sabahın dahilərini yetirən yeni məktəb şəbəkəsinin formalaşacağına inamını bildirib. 

Sonra sənədli kinolent nümayiş etdi­rilib. Azərbaycanın ilk dünyəvi məktəbi olmuş Şuşa qəza məktəbi ilə başlanan tarixdən söz açan filmdə şəhərin xalqı­mız üçün tarixi və mədəni əhəmiyyəti, maarifçilik sahəsində nailiyyətləri qabarıq göstərilir. Xronikal ekran əsərində Şuşa­nın maarif tarixini yaradan şəxsiyyətlər barədə danışılır, eləcə də Azərbaycanın təhsil və elm sahəsinə tanınmış alimlər, sənətçilər, ziyalılar bəxş etməsi göstəri­lir. 

İzləyicilər maraqla baxdıqları 50 dəqiqəlik filmin ssenari müəllifləri Cə­sarət Valehov və Ramil Ələkbərov, rejis­soru isə Elçin Qasımovdur.

Mərasimdə Mədəniyyət, Elm və Təh­sil və nazirliklərinin əməkdaşları, millət vəkilləri, 44 günlük Vətən müharibəsində döyüşmüş müəllimlər, tələbələr və digər qonaqlar iştirak ediblər. 

XQ