Azərbaycanda keçirilən I Beynəlxalq TÜRKSOY Teatr Festivalı dünən türk dünyasının mədəniyyət paytaxtı Şuşada start götürüb. 

Beynəlxalq teatr məclisi Ümummil­li lider Heydər Əliyevin 100 illik yubileyi və Şuşanın “Türk dünyasının mədəniy­yət paytaxtı” elan edilməsi, Azərbaycan peşəkar milli teatrının yaradılmasının 150 və TÜRKSOY-un 30 illik yubileylərinə həsr olunub. 

Festivalın ilk günündə Şuşada TÜRK­SOY-a üzv ölkələrin dövlət teatrları rəh­bərləri Şurasının 9-cu toplantısı keçirilib. Məclisdə Azərbaycan, Qazaxıstan, Qırğı­zıstan, Özbəkistan, Türkiyə, Türkmənis­tan, Şimali Kipr Türk Cümhuriyyətinin və Qaqauz Yerinin (Moldova) dövlət teatrla­rının rəhbərləri iştirak ediblər.

Qonaqlar Şuşa şəhərinin tarixi mə­kanları və əsrarəngiz təbiəti ilə də tanış olublar. Gəzinti zamanı teatr xadimlərinə işğal dönəmində mədəniyyət abidələri­mizə ermənilər tərəfindən vurulan ziyan, qədim artefaktlarımızın saxtalaşdırılması barədə də məlumat verilib. Bildirilib ki, Şuşa işğaldan azad edildikdən sonra bu­rada genişmiqyaslı bərpa-quruculuq işlə­rinə başlanılıb.

I Beynəlxalq TÜRKSOY Teatr Fes­tivalı ölkəmizdə noyabrın 4-dək davam edəcək.

XQ