Dünən görkəmli şair-dramaturq Hüseyn Cavidin doğum günündə dahi sənətkarın xatirəsi dünyaya göz açdığı Naxçıvan şəhərində ehtiramla yad edildi. Mərasim iştirakçıları Hüseyn Cavidin Xatirə Kompleksini ziyarət edərək ədibin məqbərəsi önünə gül dəstələri düzdülər. 

Cəlil Məmmədquluzadə adına Ədə­biyyat Muzeyində keçirilən xatirə məcli­sində Naxçıvan MR Mədəniyyət Nazirli­yinin aparat rəhbəri Piri Nağıyev Hüseyn Cavidin Azərbaycan ədəbiyyatının və teatrının inkişafındakı misilsiz xidmətlə­rindən danışıb. O, görkəmli söz ustasının bənzərsiz yaradıcılığı və mübariz şəxsiy­yəti ilə möhtəşəm bir yazar və dönməz istiqlal aşiqi olduğunu bildirib. 

Mərasimdə Hüseyn Cavid irsinin ölkə­mizdə yüksər dəyər qazanması, onun xatirəsinin həmişə əziz tutulması qeyd edilib. Sovet dövründə Ulu öndər Heydər Əliyevin rəhbərliyi ilə Hüseyn Cavidin 100 illik yubileyinin böyük təntənə ilə keçiril­məsi və cənazəsinin uzaq Sibirdən Azər­baycana gətirilməsi haqqında qərar qəbul edilməsi minnətdarlıqla yada saloınıb. Bil­dirilib ki, tarixi qərarlarla görkəmli şairin Bakı şəhərində və doğma Naxçıvanda ev muzeyi yaradılıb. 1996-ci ilin oktyabrında Ümummilli liderin təşəbbüsü və şəxsən iştirakı ilə Hüseyn Cavidin Naxçıvanda əzəmətli məqbərəsi ucaldılıb. Prezident İlham Əliyevin müvafiq sərəncamları ilə ədibin 120,135,140 illik yubileyləri dövlət səviyyəsində qeyd olunub. Hüseyn Ca­vid Azərbaycan Respublikasında əsərləri dövlət varidatı elan edilən müəlliflər sıra­sına daxil edilib. 

Məclisdə Naxçıvan Muxtar Respubli­kası Yazıçılar Birliyinin sədri Yadigar Hü­seyn Cavidin həyat və yaradıcılığı barədə geniş söhbət açıb. Mərasimdə Cəlil Məm­mədquluzadə adına Naxçıvan Dövlət Mil­li Dram Teatrı aktyorları Hüseyn Cavidin əsərlərindən parçaları səsləndiriblər. 

Səbuhi HƏSƏNOV
Naxçıvan