İndiyədək elə təsəvvür yaradılırdı ki, İranın sərnişin aviasiyasında kiçik qüsurları nəzərə almasaq, bütün işlər qaydasındadır. Ölkənin sənaye və ticarət naziri Abbas Əliabadinin açıqlaması bu təsəvvürlərin üstündən xətt çəkib.
O bildirib ki, Tehranın məşhur Mehrabad hava limanında onlarla nasaz və qüsurlu vəziyyətdə olan sərnişin təyyarəsi var. A.Əliabadi köhnəlmiş təyyarələrin sayının çoxluğuna istinad edərək deyib ki, limanda, sanki, “təyyarə qəbiristanlığı” mövcuddur.
Bundan əvvəl ölkə rəsmiləri də İran İslam Respublikasında həmin qəbildən olan aviasiyanın potensial gücünün, hələlik, 170 təyyarəni əhatə etdiyini vurğulayıblar. Aviasiya təşkilatının İranın daxili uçuşları keçirməsi üçün 550 təyyarəyə ehtiyacı var.
Əliabadi sözünün davamında ölkənin elmi müəssisələrinin problemin həlli ilə məşğul olmasını vacib sayıb.
Hüseyn RƏHİMZADƏ