Dünən Altıncı çağırış Naxçıvan Muxtar Respublikası Ali Məclisinin XI (payız) sessiyasının ilk iclası keçirilib. 

Sessiyanın gündəliyinə Naxçıvan Muxtar Respublikası Ali Məclisinin Qa­nunvericilik işləri planının təsdiq edil­məsi; “Normativ hüquqi aktlar haqqın­da” Naxçıvan Muxtar Respublikasının Qanununda dəyişiklik edilməsi; Naxçı­van Muxtar Respublikası Ali Məclisinin İntizam Komissiyasının tərkibində də­yişiklik edilməsi məsələləri daxil edilib.

Naxçıvan MR Ali Məclisi sədrinin birinci müavini Azər Zeynalov birinci məsələ – Ali Məclisin 2023-cü il payız sessiyasının qanunvericilik işləri planı­nın qərar layihəsi ilə bağlı məlumat ve­rib. Müzakirə olunan layihə qəbul edilib.

Gündəlikdə duran ikinci məsələ –“Normativ hüquqi aktlar haqqında” Naxçıvan Muxtar Respublikasının Qa­nununda dəyişikliklər edilməsi barədə Hüquq siyasəti komitəsinin sədri İsma­yıl Qəribli məlumat verib, layihə qəbul olunub.

Gündəlikdə duran üçüncü məsələ­nin müzakirəsi zamanı qeyd olunub ki, Naxçıvan Muxtar Respublikası Ali Məc­lisinin Daxili Nizamnaməsinin 46.2-ci maddəsinə əsasən komissiyanın tərki­bində dəyişiklik edilməsi zərurəti yara­nıb. Müzakirə olunan məsələ ilə əlaqə­dar deputatlardan Telman Möhbəliyev, Hüseyn Niftəliyev, Tofiq Babayev İnti­zam komissiyasının üzvləri seçiliblər.

Ali Məclis sədrinin birinci müavini Ali Məclisin sessiya iclaslarında depu­tatların iştirakının və fəaliyyətinin Daxili Nizamnaməyə əsasən qurulmalı oldu­ğunu diqqətə çatdırıb. Azər Zeynalov Zəngəzur dəhlizinin açılması, bölgədə sülhün bərqərar olunması istiqamətin­də Prezident İlham Əliyevin qətiyyətli mübarizə apardığını bildirib. O qeyd edib ki, Zəngəzur dəhlizinin açılması Naxçıvanın 30 illik blokadadan çıxma­sına şərait yaradacaq. Görülən işlərdə ölkə başçısına dəstək ifadə olunub.

Bununla da Altıncı çağırış Naxçıvan Muxtar Respublikası Ali Məclisinin XI (payız) sessiyasının ilk iclası öz işini başa çatdırıb.

***

Həmin gün deputatlar və Ali Məcli­sin məsul əməkdaşları müstəqil Azər­baycan dövlətinin qurucusu və memarı, ümummilli lider Heydər Əliyevin ana­dan olmasının 100 illik yubileyi müna­sibətilə parlamentin foyesində təşkil olunmuş sərgiyə baxıblar.

Ekspozisiyada dahi şəxsiyyətin 1990–1993-cü illərdə Naxçıvan Muxtar Respublikasında yaşadığı, Ali Məclisin deputatı və Sədri işlədiyi dövrlərdə si­yasi və dövlətçilik fəaliyyətini əks et­dirən fotoşəkillər sərgilənir. Ali Məclis sədrinin birinci müavini Azər Zeynalov bildirib ki, dahi rəhbərin siyasi fəaliyyə­tinin Naxçıvan dövrü nə qədər çətin və mürəkkəb bir zamana təsadüf etsə də, bu dövr Azərbaycanın müstəqillik ta­rixində çox böyük dəyərə malikdir. 

Qeyd edilib ki, 1991-ci il sentyabrın 3-dən Naxçıvandan başlanan müstəqil­lik yolu 1993-cü ildən xilaskar liderin müdrik daxili və xarici siyasəti ilə ölkə miqyasında davam etdirilib. Azərbay­canın inkişaf strategiyasının əsasını təşkil edən Heydər Əliyev yolunu bu gün Respublika Prezidenti İlham Əliyev uğurla davam və inkişaf etdirir.

XQ