Bu ilin yanvar-iyul aylarında Naxçıvan Muxtar Respublikasının büdcə gəlirləri 2022-ci ilin eyni dövrü ilə müqayisədə 9,1 milyon manat və ya 10 faiz artaraq 99,2 milyon manat təşkil edib. Bu barədə Naxçıvan Muxtar Respublikası Maliyyə Nazirliyində bu ilin 7 ayında görülmüş işlər və qarşıda duran vəzifələrə dair kollegiya iclasında qeyd olunub.

Maliyyə nazirinin müavini, nazir və­zifələrini müvəqqəti icra edən Həsən İs­mayılov bildirib ki, büdcənin xərclərində qənaət təmin olunu, ötən ilin eyni dövrü ilə müqayisədə xərclər 47,4 milyon manat (14,1 faiz) azalaraq bu ilin 7 ayında 287,8 milyon manat təşkil edib.

Qeyd olunub ki, gəlirlərin artması və xərclərin azalması hesabına Naxçıvan Muxtar Respublikasının büdcəsinə verilən dotasiyanın miqdarında da nəzərəçarpan azalma təmin edilib. Ötən ilin 7 ayına nis­bətən 29 milyon manat az yəni 224 milyon manat məbləğində dotasiya alınıb.

Sonra nazirliyin müvafiq şöbələri tərə­findən 2023-cü ilin 7 ayı ərzində görülmüş işlər barədə məlumat verilib, 2024-cü il və sonrakı üç il üçün büdcə layihələrinin tərti­bi, büdcənin icrası və dürüstləşmə barədə çıxışlar dinlənilib. 

“Xalq qəzeti”