Bakı və Qüds arasında strateji tərəfdaşlıq qurulub. Hər iki xalq arasında münasibətlər tarixində ən yüksək səviyyəyə çatıb və daha da inkişaf edəcəyi gözlənilir.

Bu fikirlər Azərbaycan Prezidentinin xüsusi tapşı­rıqlar üzrə nümayəndəsi Elçin Əmirbəyovun ABŞ-ın geniş oxucu kütləsinə malik “Jewish News Syndica­te” nəşrinə açıqlamasında yer alıb. 

Məqalə müəllifi diqqətə çatdırıb ki, iki xalq arasın­da münasibətlər dinlərarası əlaqələr üçün nümunəvi sayıla bilər və İsrail 1991-ci ildə dövlət müstəqilliyini elan etmiş Azərbaycanı tanıyan ilk ölkələrdən biri ol­muş, 1993-cü ildən Bakıda öz səfirliyini açmışdır. İs­railin neft tələbatının təxminən 30 faizini Azərbaycan təmin edir, Azərbaycan isə İsrailin hərbi məhsulları­nın əsas alıcılarından hesab olunur və 2020-ci ildə Ermənistanla müharibədə həmin silahlar Azərbayca­nın qələbəsinə töhfə verib.

Bildirilir ki, hazırda Azərbaycanda yaşayan yəhu­dilərin sayı 25-30 minə yaxındır və Azərbaycandan İsrailə miqrasiya etmiş yəhudilər öz tarixi vətənləri ilə sıx əlaqə saxlayırlar. Həmçinin 50-dək etnik qrupun dinc şəkildə birgə yaşadığı Azərbaycan bu ölkədə yaşayan yəhudi icması ilə yaxşı münasibətlərdən qürur duyur. 

“Xalq qəzeti”