İran təhsil nazirinin müavini Həmid Rza Xanməhəmmədi ölkədə bu sektorun vəziyyəti barədə açıqlamasında tənqidi fikirlərə də yer verib.
Nazir müavini deyib: “İranda mövcud olan məktəblərin ən azı 11 faizi istifadəyə yararsızdır və məktəblərin dövlət vəsaiti hesabına yenidən qurulması üçün 50 il lazımdır”. O bununla yanaşı, 7 min məktəbin içməli su təminatının olmadığını bildirib.
Əslində, bütün bunlar gözlə görünən mənzərədir. Təhsilin problemlərindən sükutla keçilən açıqlamada çoxsaylı xalqların ana dilində təhsil almaq hüququnun pozulması kimi məsələyə diqqət yetirilməməsi hakimiyyətin bu mövzuya heç bir önəm verməməsinin göstəricisidir.
Rəhman GƏNCƏLİ