“Apple” foto və videoları saxlamaq üçün istifadə etdiyi “My Photo Stream” xidmətini bağlayacağını açıqlayıb. Şəbəkədən çıxarılacaq proqram istifadəçilərə 1000 faylı pulsuz saxlamağa imkan verəcək.
Qeyd edək ki, iyulun 26-dan etibarən bu proqramdakı fayllar arxivlənəcək və onlar avtomatik olaraq “iCloud” şəkil qalereyasına yönləndiriləcək.
Şirkət bildirib ki, “My Photo Stream”də saxlanılan fayllar avqustun 25-dək aktiv olacaq. Şəkillər və videolar istifadəçilərin cihazlarından silinməsə də, onların “İCloud” hesabından silinəcək və sinxronizasiya mümkün olmayacaq. İyulun 26-dan etibarən isə “My Photo Stream”ə yeni fayllar yüklənə bilməyəcək.
Sonda bildirək ki, “İCloud” hesabı olan hər bir istifadəçi 5 GB pulsuz yaddaş əldə edə biləcək. Belə ki, daha yüksək yaddaş sahəsi üçün “Apple”ə abunə olmalısınız. Bununla da, “Google Foto” və ya “Dropbox” kimi xidmətlərə də baxmaq mümkün olacaq.
Səadət RZAYEVA, “Xalq qəzeti”
