Süni intellektin müsbət imkanlarına baxmayaraq, təhlükələri də narahatlıq doğurur. Yeni nəsil texnologiyaların təhlükəsiz istifadəsini təmin etmək üçün “Ağ ev”də texnoloji sammit keçirilib. ABŞ-ın vitse-prezidenti Kamala Harris texnologiya nəhəngləri ilə görüşüb. Bu barədə “bbc.com” saytı məlumat yayıb.

“Google”, “Microsoft” və “OpenAI” kimi aparıcı texnologiya şirkətlərinin baş direktorlarının iştirak etdiyi sam­mitdə süni intellektin nəzarətsiz in­kişafının fırıldaqçılıq riskini artırdığı qeyd olunub. Nəticədə isə məlumat­ların məxfiliyinin pozulmasına gətirib çıxarılması vurğulanıb. 

İclasda iştirak edən ABŞ Pre­zidenti Co Bayden texnologiya nəhənglərindən “xalqı qorumaq” üçün ciddi addımlar atmalarını istə­yib. ABŞ administrasiyası süni in­tellektin risklərini azaltmaq üçün mühüm addımlar atılacağını bildirib. Bu sahədə fəaliyyət göstərən yeni sahibkarlara 140 milyon dollar verilə­cəyi açıqlanıb.

Əfsanə ƏHƏDLİ, “Xalq qəzeti”