Azərbaycanın Pakistandakı səfirliyi İslamabad şəhəri icra hakimiyyəti ilə birgə ümummilli lider Heydər Əliyevin 100 illik yubileyi münasibətilə paytaxt parkında ağacəkmə aksiyası keçirib.
Tədbirdə Pakistanın dövlətlər və sərhəd regionları üzrə federal naziri Məhəmməd Talha Mahmud, şəhər icra hakimiyyətinin başçısı Nur Ul Amin Menqal, xarici ölkələrin səfirləri, ictimaiyyət nümayəndələri və Azərbaycanın Pakistandakı səfirliyinin kollektivi iştirak ediblər.
Səfir Xəzər Fərhadov müasir Azərbaycan Respublikasının banisi Heydər Əliyevin zəngin həyat yolu, böyük siyasi iradəsi və Azərbaycanın müstəqilliyi və inkişafı naminə gördüyü böyük işlər barədə məlumatları iştirakçıların diqqətinə çatdırıb.
Aksiyada ümummilli liderin 100 illik yubileyi münasibətilə 100 ağac əkilib.
Qulu KƏNGƏRLİ
İslamabad
