Norveç XİN Rusiyanın Oslodakı səfirliyinin 15 əməkdaşını “arzuolunmaz şəxs” elan edib. Məlumatı “Euronews” agentliyi yayıb.

Agentliyin müxbiri Norveç XİN rəs­mi saytına istinadən xəbər verib ki, bunu krallığın xarici işlər naziri Anni­ken Huitfeldt bildirib.

Norveçli nazir qeyd edib ki, haqqında sözügedən 15 nəfər öz dip­lomatik statuslarına uyğun olmayan kəşfiyyatçılıq fəaliyyətləri ilə məşğul olublar. Nazir sonra bildirib: “Norveç hökumətinin bu qərarı Avropada təh­lükəsizliklə bağlı dəyişmiş vəziyyətə uyğun olaraq, Rusiyadan gələn kəş­fiyyat təhlükəsinin artmasına qarşı cavabdır. Bu ciddi addım Norveçdə Rusiya kəşfiyyatının fəaliyyətinin qar­şısının alınması və onun təhlükəsinin aradan qaldırılması, bununla da milli maraqlarımızın qorunması istiqamə­tində atılıb”. XİN rəhbəri onu da qeyd edib ki, həmin şəxslər tezliklə Norveçi tərk etməlidirlər.

A.Huitfeldt onu da əlavə edib ki, Norveçə gəlmək istəyən Rusiya dip­lomatlarına viza verilməyəcək, çünki hazırda ölkəsi üçün ən böyük kəşfiy­yat təhlükəsi Rusiyadır: “Biz rus kəş­fiyyatçılarının Norveçdə diplomatik pərdə altında fəaliyyət göstərməsinə icazə verməyəcəyik”, – o, deyib.

“Xalq qəzeti”