Loqo dəyişikliyi Maska qazanc gətirir

Məşhur iş adamı İlon Mask “Twitter”in saytındakı loqosunu dəyişərək “Dogecoin” ilə əvəzləyib.

Saytına daxil olduğunuz zaman yuxarı sol küncdəki “Dogecoin” loqosunu görə bilərsiniz. Bundan başqa, sözügedən dəyişiklik yalnız internet saytındadır. Mobil tətbiqdə isə heç bir dəyişiklik yoxdur.

Qeyd edək ki, loqonun saytda yerləşdirilməsi ilə kriptovalyutanın dəyəri artıb. Belə ki, bu müddətdə “Dogecoin”in qiyməti, təxminən, 25 faiz çoxalıb. Kriptovalyuta yeniləmədən sonra 7,7 sentdən 10,2 sentə yüksəlib və “Doge” etiketi “Twitter”də də populyarlaşıb.

İlon Maskın “Twitter” loqosunun saytda nə vaxt bərpa edəcəyi barədə isə hələlik heç nə məlum deyil.

Aytən NƏCƏFOVA, “Xalq qəzeti”