Xocalıların yığcam məskunlaşdıqları Goranboy rayonunun Aşağı Ağcakənd qəsəbəsində 31 Mart Azərbaycanlıların Soyqırımı Gününə həsr olunmuş “dəyirmi masa” keçirilib.
Xocalı rayon icra hakimiyyəti başçısının müavini Lamiyə Qarayeva, 1 saylı klubun mədəni təşkilatçısı Şahnaz Kərimova, rayon prokurorunun köməkçisi Hikmət Əsədov, Cəmilli kənd icra nümayəndəsi Ramiz Qəhrəmanov, “Xocalı Rayon Mərkəzi Xəstəxanası” publik hüquqi şəxsin direktoru Aqil Məmmədov, rayon ziyalısı Şakir Əliyev mövzu ətrafında çıxış ediblər.
Natiqlər bildiriblər ki, 1992-ci il fevralın 25-dən 26-na keçən gecə xüsusi qəddarlıqla törədilmiş Xocalı soyqırımı erməni şovinist-millətçilərinin azərbaycanlılara qarşı iki əsrdən artıq həyata keçirdiyi etnik təmizləmə və soyqırımı siyasətinin, eləcə də 1918-ci il mart soyqırımının davamıdır.
Sonda “Unudulmuş mart” adlı televiziya filmi nümayiş etdirilib.
Qalib BƏYMƏMMƏDOĞLU,
“Xocalının səsi” qəzetinin redaktoru
