Martın 13-də Azərbaycan Respublikasının Baş naziri Əli Əsədov ölkəmizdə səfərdə olan Albaniya Respublikasının Prezidenti Bayram Beqay ilə görüşüb.

Nazirlər Kabi­netinin mətbuat xidmətindən bildi­rilib ki, görüşdə X Qlobal Bakı Foru­munun əhəmiyyəti vurğulanıb, tədbi­rin ümummilli lider Heydər Əliyevin 100 illik yubileyinə həsr olunmuş xü­susi sessiyasında Albaniya Preziden­tinin iştirakı yüksək qiymətləndirilib.

Prezident İlham Əliyevin ötən ilin noyabr ayında Albaniyaya dövlət səfərinin iki ölkə arasında əlaqələrin inkişafı baxımından tarixi önəmi qeyd edilib.

Azərbaycan-Albaniya əməkdaşlığının bir çox sahələrdə uğurlu inkişafından məmnunluq ifadə olunub, iqtisadi-ticarət, investisiyaların təşviqi, enerji, kənd təsər­rüfatı, humanitar və digər istiqamətlərdə əlaqələrin perspektivləri müzakirə edilib. 

***

Martın 13-də Azərbaycan Respublikasının Baş naziri Əli Əsədov ölkəmizdə səfərdə olan Nobel sülh mükafatı laureatı Kailaş Satyarti ilə görüşüb.

Nazirlər Kabi­netinin mətbuat xidmətindən bil­dirilib ki, görüşdə X Qlobal Bakı Fo­rumunun önəmi vurğulanıb, çox sayda ölkədən ta­nınmış siyasi və ictimai xadimlərin burada iştirakı tədbirin nüfuzu­nun göstəricisi kimi dəyərləndi­rilib.

Nobel sülh mükafatı laureatı Kailaş Satyartinin 40 ildən çoxdur ki, dünya miq­yasında uşaq əməyinin istismarına qarşı mübarizənin liderlərindən biri kimi fəaliy­yəti yüksək qiymətləndirilib.

Görüşdə, eyni zamanda, digər aktual mövzular ətrafında müzakirələr aparılıb.

“Xalq qəzeti”