Ukraynada Rusiya ordusunun hücum əməliyyatları intensivləşib. Xüsusən Donetsk vilayətində, Baxmut şəhəri uğrunda döyüşlər şiddətlənib. Son günlərdə həyata keçirilən hücumlar zamanı şəhərin Konstantinovka rayonu güclü raket atəşinə tutulub. Nəticədə, infrastruktur obyektlərinə ciddi zərər dəyib, bir çox binalar, avtomobil və dəmir yolu körpüləri dağıdılıb. Məlumatı UNİAN verib.

Rusiyanın “Vaqner” qrupu şəhərin şərqinə nəzarəti ələ keçirdiyini elan etsə də, Uk­rayna Silahlı Qüvvələrinin Baş Qərargahı rusların Donetsk və Luqansk istiqamətində irə­liləməsinin qarşısının alındığı­nı bildirib. Son sutkada Rusiya Donetsk vilayətinə 29 aviasiya və dörd raket zərbəsi endirib.

Rusiyanın BMT-dəki daimi nümayəndəsinin birinci müa­vini Dmitri Polyanski isə mar­tın 14-də BMT Təhlükəsizlik Şurasının Ukrayna böhranının həllinə mane olan amil kimi ru­sofobiya ilə bağlı iclasının keçi­rilməsini istəyib.

Paşa ƏMİRCANOV, “Xalq qəzeti”