İsveçrənin Sürix şəhərində müasir Azərbaycan dövlətinin qurucusu, xalqımızın ümummilli lideri Heydər Əliyevin anadan olmasının və Türkiyə Cümhuriyyətinin qurulmasının 100 illiyi münasibətiləyubiley əmərasimi, “Xəzərdən Egeyə – unudulmayan əsərlər” adlı konsert proqramı təşkil olunub. 

Diasporla İş üzrə Dövlət Komitəsi­nin dəstəyi, İsveçrə Azərbaycanlıları Dostluq, Mədəniyyət və Həmrəylik Cə­miyyətinin təşkilatçılığı və Sürix Türk Musiqi Cəmiyyətinin iştirakı ilə təşkil edilən yubiley konsertində diplomatik korpusun, Azərbaycan və türk icmaları­nın, yerli ictimaiyyətin və KİV-lərin nü­mayəndələri iştirak ediblər. 

Azərbaycanın İsveçrədəki səfiri Fuad İsgəndərov və Diasporla İş üzrə Dövlət Komitəsi sədrinin müavini Vaqif Seyidbəyov iki tarixi yubileyin eyni vaxt­da qeyd olunmasını əlamətdar hadisə kimi qiymətləndiriblər. Səfir ulu öndərin müasir dövlətimizin qurucusu kimi tarixi rolundan söz ətraflı açıb. Sədr müavini isə dünyanın müxtəlif ölkələrində fəa­liyyət göstərən diaspor təşkilatlarının görkəmli dövlət xadimi Heydər Əliyevə həsr olunan silsilə tədbirlər keçirdiyini qeyd edib.

Mərasimdə ölkəmizin diaspor təşki­latlarının sistemli və mütəşəkkil fəaliy­yətinin əsasının görkəmli dövlət xadimi Heydər Əliyev tərəfindən qoyulduğu, bu siyasətin Azərbaycan Prezidentinin töv­siyyələri, diqqət və qayğısı sayəsində uğurla davam etdirildiyi vurğulanıb.

Mərasimin bədii hissəsində Sürix Türk Musiqi Cəmiyyəti xorunun ifasın­da konsert proqramı təqdim edilib. Xor­meyster Pınar Dönmezin rəhbərliyi ilə xorun və Türkiyədən gəlmiş sənətçilərin ifasında “Ölkəm”, “Ayrılıq”, “Nərədəsən sən”, “Yəmən türküsü”, “İncəcikdən bir kar yağar”, “Qubanın ağ alması”, “Sənə də qalmaz”, “Nazəndə sevgilim”, “Məm­ləkətim” və s. əsərlər səsləndirilib. 

Tədbir çərçivəsində Türkiyədə baş vermiş zəlzələdən zərərçəkənlər üçün ianə toplanıb.

“Xalq qəzeti”