“Baş örtmürəm, əl çəkin!”

Bugünlərdə Tehranda keçirilən 22-ci Beynəlxalq Boya, Qətran və Sənaye Örtükləri Sərgisi açılan kimi qalmaqal baş verib. Bəzi stendlərə xidmət göstərən qadınlar hicab ört­məkdən imtina edərək məmurlara və molla nəzarətçilərinə açıqca deyib­lər: “Baş örtmürəm, əl çəkin!”

Bu məlumatı yayan İranın “Taslim” agentliyi bildirib ki, qadınlar saçları­nı örtməklə bağlı xəbərdarlığa məhəl qoymayıblar. Sərginin təşkilatçıları da onların bu hərakətinin qarşısını alma­yıblar.

SEPAH-ın canlı ABŞ hədəfləri

SEPAH Aerokosmik qüvvələr komandanı Əmir Əli Hacızadə sen­sasion etirafla çıxış edib: “Qasım Süleymaninin qisasını almaq üçün Amerikanın İraqdakı Eynəl-əl-Əsəd hərbi bazasına hücum etməkdə məqsədimiz bir qrup əsgəri öldür­mək deyildi. Biz Trampı, Pompeonu və Makkenzini öldürmək niyyətində­yik”.

SEPAH komandanı bu açıqlaması ilə ABŞ-ın keçmiş prezidenti Donald Trampın, dövlət katibi Maykl Pompe­onun və general Kennet Makkenzinin hədəfə götürüldüyünə işarə edib.

Futbolçu molla rejimindən güclü çıxdı

Məşhur futbolçu və baş məşqçi, ölkədən çıxışına qadağa qoyulan Əli Dayi Qətərdə keçirilən dünya birinci­liyini milyonlarla iranlı azarkeş kimi televiziya ekranlarından izləməli ol­muşdu. “Fars” xəbər agentliyi artıq onun ölkədən çıxışına qadağanın götürüldüyü barədə xəbər yayımla­yıb.

İnformasiyada deyilir: “Əli Dayi, İran futbol tarixində xüsusi xidmətləri olan görkəmli futbolçulardandır. Məhz həmin xidmətləri nəzərə alınaraq FİFA onun azad edilib “Ən yaxşı futbolçu”la­rın mükafatlandırma mərasiminə qatıl­masında israr etmişdir”.

“Xalq qəzeti”